MO BANN KONPATRIYOT BLAN DAN LAFRIK
Bann lagazet dan Moris pe rakont ar boukou emosion soufrans mo bann konpatriyot blan dan Lafrik e sirtou dan Zimbabwe zordi. Fer leker fermal, pa vre?
Parmi mo bann konpatriyot blan dan Lafrik, ti ena boukou ki ti soutenir aparteid dan Lafrik-Disid e parmi ena ki finn retourn dan zot pei bieneme, Moris, kan ANC finn koumans demantel enn sistem ki ti enn krim kont limanite. Dan Rhodesia yer sou rezim rasis Ian Smith mo bann konpatriyot blan ti gagn li bonn, mari bonn; zot pa ti fer nanye pou konbat pouvwar diktatir Ian Smith. Okontrer!
Langleter pa ti lev enn ledwa kont rezim Ian Smith. Misie Harold Wilson ti mem dir ki li pa ti pou kapav avoy larme kont so prop fami (kith and kin). Mo bann konpatriyot blan pa ti lev enn ledwa kont Ian Smith; zot pa ti soutenir konba Mugabe ki zot ti konsider kouma enn teroris. Pourtan li enn liberater ki finn detrir aparteid dan Rhodesia Ian Smith.
Tou dimoun dakor, apart mo bann konpatriyot blan dan Lafrik ek zot senpatizan dan lagazet Moris, ki enn reform agrer ti endispansab. Mugabe ti negosie ar gouvernman Angle pou enn led finansie pou pey bann fermie blan, ikonpri mo bann konpatriyot blan, ki ti akapar meyer later dan Zimbabwe. Normal ki sou gouvernman Thatcher ek Major pa ti pou ena okenn solision me kan Tony Blair ti vinn Premie Minis, Mugabe ti panse ki li ti pou gagn led neseser pou fer reform agrer vinn enn sikse. Me Tony Blair ek so gouvernman ti ena boukou afinite ar ek senpati pou bann fermie blan dan Zimbabwe, ikonpri mo bann konpatriyot blan.
Bann fermie blan ek mo bann konpatriyot blan ti pe profite omaximem. Ala seki enn zournalis Guardian ti ekrir resaman (13.04.08): "Zimbabwe's whites were not only complacent; they also misjudged how Mugabe saw their place and the unwritten pact that allowed them to stay on. In the cities they kept their houses and their pools and their servants. Life went on as before, but without the war.
The white farmers had it even better. With crop prices soaring, they bought boats on Lake Kariba and built airstrips on their farms for newly acquired planes. Not much of that trickled down to the poor, and not many of the farmers reflected on the essence of the liberation war and its cry not only for freedom but also for land. Instead Zimbabwe's whites reached an implicit compact with Zanu-PF; they could go on as before, so long as they kept out of politics and did not criticise publicly..."
Ler Gouvernman Angle lav so lame ar Zimbabwe e renie so promes pou ed reform agrer, li finn pous Zanu-PF adopte enn politik extremis. Bann blan Zimbabwe, ikonpri mo bann konpatriyot blan ek Langleter ena enn bien gran responsabilite dan sa zafer la. Mugabe ek Zanu-PF finn rant dan enn latrap avek rezilta katastrofik ki nou kone.
Aster gouvernman ek media Langleter, bann blan Zimbabwe ikonpri mo bann konpatriyot blan dan Zimbabwe ek dan Moris pe apiy Morgan Tsvangirai for-for. Ki li ete sa misie la? Liberater ousa poupet doukiya? Ankor enn fwa mo les zournalis Guardian koze: " White people accounted for only a small proportion of the party, but they were highly visible and had clout in part because they were the ones with the money and the cars. They could be seen delivering party propaganda and running its offices. White farmers appeared on stage with Tsvangirai, handing over fat cheques to party coffers.
The MDC and its white activists regarded all that as everyday politics in a normal society; Mugabe and the Zanu-PF old guard saw an attempt to refight the liberation war by other means. Their fears were not entirely unfounded.
A man called 'Monty' Montgomery was heading the MDC's campaign in the Hurungwe and Kariba regions in the 2000 election. His family lineage in Zimbabwe went back to the 1890s. His parents were teachers in Bulawayo, at a school once attended by Hendrik Verwoerd, the architect of South Africa's apartheid. Montgomery was conscripted into the Rhodesian police and rose to become an officer in the notorious special branch responsible for the interrogation of political prisoners and 'terrorists' - men like Mugabe.
By the time I met him, Montgomery was running an agricultural supply business that had fallen on hard times. He had not taken much interest in democracy until his pocket was hit, but talking to him, and to other older whites, there was a sense that this was payback time, an opportunity to 'get' Mugabe.
When 5,000 black MDC delegates elected the party's executive in January 2000, three out of the top four were whites..."
Reform agrer dan Zimbabwe li enn nesesite politik, sosial, moral ek ekonomik. Kouma pou fer li, sa ki kestion. Proze Mugabe pa finn marse. Finn ler pou ki vie tonton la ale e ki Zanu-PF swazir enn nouvo lidersip. Thabo Mbeki ena rezon. Mugabe bizen ale dan dinite me mouvman liberasion Zanu-PF bizen rekonkerir pouvwar pou amenn lazistis ek devlopman pou lepep Zimbabwe. Si bann blan Zimbabwe, ikonpri mo bann konpatriyot blan, swazir pou soutenir mouvman pou lazistis, dinite ek devlopman pou ena plas pou tou dimoun me si zot opte pou enn rezim stil Ian Smith pou ena konsekans ankor plis trazik ek terib.
Dev Virahsawmy
20.04.08