52% elektora Ameriken ki finn servi zot vot finn desid pou dir Bush/McCain “lev pake, ale.” Me li bon rapel ki 46% elektora ki ti vote, ti pans enn lot fason e ki 36% elekter lor rezis elektoral pa ti mem pran lapenn al vote. Barack Obama finn sorti venker. So eleksion finn konn diferan enterpretasion dan bann lagazet Moris ek deor. Ena finn trouv renesans “Rev Ameriken” (Eski zot konn definision sa term la?); ena finn trouv ladan lafen neo-liberalism/neo-konservatism; ena finn trouv trionf larezon; ena pe koz politik post-ethnik; laplipar avegle par fakter epidermik. Dan tou sa bann enterpretasion la ena enpe seki vre me mo santi ki zot pa pe get seki pe pase dan profonder realite ki enn zoli sirfas pe kasiet. Si ou pas akote lafontenn, ou pa pou tegn ou laswaf.
Peyna okenn dout. Administrasion neo-konn - e McCain osi enn neo-konn – ti bizen ale. Me tansion! Pa kwar ki bann problem fondamantal finn rant dan poubel ansam ar Bush ek so bann.
Ena lezot analiz ki merit nou latansion. Pou Noam Chomsky, enn entelektiel Ameriken ki mo apresie ek admire, dan USA ena enn sistem ki esansielman enn sistem parti inik (Parti Gro Pitay) ki anime par 2 faksion (Repibliken ek Demokrat) ki esansielman parey me diferan dan detrwa tidetay. Si nou azout lor sa lefe ki USA li enn lanpir militaris, nou kapav koumans konpran seki pe arive e antisip seki pou arive.
An 1961 dan so diskour klotir so prezidans (farewell speech) Presidan Dwight D. Eisenhower ti donn enn avertisman ki enn gran danze ti pe menas demokrasi dan USA: enn konplex militaro-endistriyel ti pe fann so lapat ourit partou e ti pe pran kontrol sosiete – lekonomi, politik, media, resers, konesans ek administrasion.
Ala enn extre: ... “Until the latest of our world conflicts, the United States had no armaments industry. American makers of plowshares could, with time and as required, make swords as well. But now we can no longer risk emergency improvisation of national defense; we have been compelled to create a permanent armaments industry of vast proportions. Added to this, three and a half million men and women are directly engaged in the defense establishment. We annually spend on military security more than the net income of all United States corporations.
This conjunction of an immense military establishment and a large arms industry is new in the American experience. The total influence -- economic, political, even spiritual -- is felt in every city, every State house, every office of the Federal government. We recognize the imperative need for this development. Yet we must not fail to comprehend its grave implications. Our toil, resources and livelihood are all involved; so is the very structure of our society.
In the councils of government, we must guard against the acquisition of unwarranted influence, whether sought or unsought, by the military-industrial complex. The potential for the disastrous rise of misplaced power exists and will persist.
We must never let the weight of this combination endanger our liberties or democratic processes. We should take nothing for granted. Only an alert and knowledgeable citizenry can compel the proper meshing of the huge industrial and military machinery of defense with our peaceful methods and goals, so that security and liberty may prosper together.
Akin to, and largely responsible for the sweeping changes in our industrial-military posture, has been the technological revolution during recent decades.
In this revolution, research has become central; it also becomes more formalized, complex, and costly. A steadily increasing share is conducted for, by, or at the direction of, the Federal government.
Today, the solitary inventor, tinkering in his shop, has been overshadowed by task forces of scientists in laboratories and testing fields. In the same fashion, the free university, historically the fountainhead of free ideas and scientific discovery, has experienced a revolution in the conduct of research. Partly because of the huge costs involved, a government contract becomes virtually a substitute for intellectual curiosity. For every old blackboard there are now hundreds of new electronic computers.
The prospect of domination of the nation's scholars by Federal employment, project allocations, and the power of money is ever present and is gravely to be regarded.
Yet, in holding scientific research and discovery in respect, as we should, we must also be alert to the equal and opposite danger that public policy could itself become the captive of a scientific-technological elite.
It is the task of statesmanship to mold, to balance, and to integrate these and other forces, new and old, within the principles of our democratic system -- ever aiming toward the supreme goals of our free society. ...”
Zordi li kler ki konplex militaro-endistriyel kontrol Lanpir Ameriken. 50% depans bidze gouvernman federal USA al finans direkteman ek endirekteman aktivite militer. Depi deziem lager mondial, USA pa finn aret kre tansion ek deklar lager (lager Korea, lager Vietnam, lager Golf, envazion Afghanistan ek Iraq, lager kont terer ets.). Neo-liberalism, enperyalism ek militarism USA mars ansam. Lager neseser pou fer zot biznes marse. Eski Barak Obama pou sanz SA ou eski SA pou sanz Barak Obama? Sirman li pou mwens brital, pou soufle-morde, me si li vinn enn menas pou pouvwar militaris pa bizen enn zeni pou devine ki pou arive. Pa bliye ki ti ena dimoun ki ti kwar ki Bill Clinton, apre Ronald Reagan ek George H. W. Bush, ti pou sanz realite me se realite ki ti sanz li. Fek-fekla boukou ti zwenn mem desepsion ar Tony Blair; zordi ena ki pe manz zot zong (kitfwa zot finn ariv kot zot ledwa) ar Nicholas Sarkozy.
Eski Barak Obama pou fer pli bien ki George W. Bush dan Mwayen Oryan? Toulede finn deklar piblikman zot soutien total pou leta Israel. Toulede kwar ki solision li dan de leta (leta Israel ek enn leta Palestinien), enn akote lot. Bann ki konn bien problem Mwayen Oryan panse ki solision li dan enn leta sekiler milti-ethnik kot Zwif ek Palestinien ena mem drwa. Israel li enn leta SIONIS, RASIS EK MILITARIS ki enn alye enkondisionel USA MILITARIS EK ENPERYALIS. Eski Barak Obama pou kapav sanz sa e amenn veritab mouvman ver lape?
Ena enn problem ki fale pa nou bliye: GLOBAL WARMING. Administrasion Bill Clinton pa ti fer nanye pou al kont lentere konplex militaro-endistriyel dan kad KAPITALISM MONOPOL, pouvwar bann korporasion zean. So administrasion pa ti sign PROTOKOL KYOTO. Eski Barak Obama pou fann ar zot ousa li pou zis ramas so lake?
Mo pa kwar li bon nou fer dimoun kwar ki dime OBAMA pou vremem diferan ar yer BUSH. Rapel seki enn poet ti dir enn fwa: “Detrwa tipetal rouz pa fer banane.”
7.11.08